呢個星期就係復活節，唔少銀行家都趁機放長假外遊休息，恒生執行董事兼環球銀行及資本市場業務主管馮孝忠就話今年復活節會留喺香港，因為銀行高層都要夾時間輪流外遊，假期間亦要有人坐鎮睇住銀行運作。

馮孝忠呢個復活節會為佛誕做準備。

馮孝忠話自己一向多數喺十二月先外遊，因為假期夠長可以玩得盡興啲，復活節佢就留喺香港，放假會去行山同打乒乓波。佢又話今年復活節近佛誕，作為虔誠佛教徒當然要準備一下。

話時話，五月中先係佛誕，仲有成個幾月，準備都好充足吓喎。

第一手消息請下載on.cc東網iPhone/iPad/Android/Windows Phone Apps