香港醫療專業人士協會創會主席江明熙就打算以優質嘅天然食材，配上十位歐洲米芝蓮星級名廚，喺五月炮製兩日宴會，宣揚健康飲食之道。佢話場地方面已傾得七七八八，餘下就有待善長仁翁多多支持。

江明熙將邀請外國米芝蓮星級大廚來港推廣健康飲食。

雖然目前無明確證據話現代化生產嘅食材有損人體，但江明熙話只要稍為探究食材嘅生產過程，就會令人好憂心，例如大量應用抗生素防禽畜生病，又用賀爾蒙令牲口快高長大，縮短養殖期。至於為防蟲害，對蔬菜施過量農藥甚至基因改造就更常見，而食材滲入化學物亦時有所聞。佢又話雖然天然糧食唔及現代嘅催谷手段咁高產量，但只要大家戒除浪費陋習，相信唔會出現天然糧食供應不足嘅情況。

第一手消息請下載on.cc東網iPhone/iPad/Android/Windows Phone Apps