城中鏡：復活節有咩玩 Jocelyn拉隊搵蛋
名模Jocelyn尋日出席一項復活彩蛋藝術花園活動，問佢復活節假期會唔會外遊？佢話：「會留喺香港同老公Anthony一齊籌備同朋友一齊玩尋找復活蛋，呢啲係細個會做嘅嘢，但我哋仲有keep住，贏咗就可以獲得一百蚊美金、一百隻復活蛋或者禮券。」咁幾多人一齊玩？佢話：「十至十二人，會喺我哋屋企附近嘅行山徑收埋啲蛋同布置吓，畀啲驚喜朋友。」
Jocelyn透露復活節會留喺香港度過。右為朱璇。
同場又見到曾奪得中華小姐冠軍嘅朱璇，問到好耐冇見佢公開亮相，係咪有結婚好消息公布？佢就話：「未結，未有結婚計劃，男友冇求婚，我仲係單身。」佢仲話：「咁我都要朋友嘅，所以復活節都係同陳爽佢哋去旅行，諗住去泰國或者三亞，但要就陳爽時間！」
