政壇：鄧家彪恨亮相亞視
立法會議員鄧家彪（Bill）最近為亞洲電視員工追討欠薪而頻頻出動，亞視四月「閂大掣」在即，Bill自爆話從未試過喺亞視節目亮相，希望亞視熄機前，可以同亞視新投資者司榮彬喺螢幕前真情對話，了解吓司榮彬點解堅持想「亞視永恒」咁話。至於會唔會考慮做埋最後一屆亞洲小姐嘅評判，已有家室嘅Bill就耍手擰頭喇！
鄧家彪
Bill同立法會議員郭偉強、工聯會早前以問卷訪問七百多名市民，選出去年十大勞工新聞，結果亞視欠薪風波成榜首，其次係退休保障諮詢、強積金對沖同女僱主虐打Erwiana罪成。勞工議題中，最多人關心勞工假，欠薪、退保同最低工資則緊隨其後。佢哋建議當局簡化申請破欠基金程序、加重欠薪罰則。
