喺舊年誕下一子嘅名模周汶錡，已火速回復苗條身材。熱愛工作嘅佢，啱啱喺IG放咗工作時嘅照片，嗰日佢喺影樓為化妝品牌拍照，同工作人員有說有笑，氣氛融洽，其中佢真空穿上西裝外套，大騷骨感身材，好像瘦過未生BB前。
周汶錡真空穿上西裝外套，大騷骨感身材。
仲記得舊年十一月時，問過周汶錡會唔會再追B？佢當然就話因為係開刀生B嘅，所以唔急得，起碼要再半年後，計吓日子，已經相差四個月嘞，見佢投入工作，睇嚟佢兩公婆都唔急住再生嘞！
