SUN搞作:SUN官場現形記:甩轆平常事
郵政「壞腦」,市民鬧爆,下屬急急向署長薇薇匯報事件,但薇薇處之泰然,認為只係小事一樁,令到下屬們大惑不解。
下屬︰大鑊喇,我哋又「壞腦」!
薇薇︰小事小事,我哋「壞腦」,市民苦惱,又唔使我哋煩惱。
下屬︰不過市民除咗苦惱之外,仲盛怒添喎。
薇薇︰唓,嬲咪嬲,佢哋可以點?
下屬︰投訴我哋囉!
薇薇︰我哋「壞腦」,暫停服務,佢哋仲點寄投訴信?
下屬︰咁可以電郵啫。
薇薇︰你有無聽人講嘢,壞咗電腦,寄得出電郵,我哋都睇唔到喇!
下屬︰咁之後……
薇薇︰之後?之後咪我哋都收工喇,仲使理咩!