混血模特兒Cara G.同歌手JW王灝兒前晚出席馬場活動時齊戴上兔仔耳頭飾示人，問到Cara點解佢呢個兔女郎唔性感，佢話：「因為今日都凍，同埋唔一定要性感，做model有好多造型。」問到復活節點過？佢話：「我媽咪嚟咗香港，所以我哋會一家人留喺香港。原本計劃去露營，但係天氣凍，未確定。我細個有玩過尋寶，睇地圖搵復活蛋，我都有同我個大女玩，但佢太細唔知係乜嘢嚟，有同個女髹復活蛋，今年會整啲健康啲哋復活蛋畀佢。」

Cara G.（右），王灝兒（左）

JW就話今個復活節想去個短旅行，又話：「因為好耐無去過旅行，原本上年十二月想去滑雪，但要宣傳新歌。」旅行有艷遇？佢就話：「無，呢啲只係電影入面嘅情節，同埋我自己唔鍾意long distance love。」

第一手消息請下載on.cc東網iPhone/iPad/Android/Windows Phone Apps