政壇：騰雞美華退休 謝小華做署長
有「騰雞美華」之稱嘅民政事務總署署長陳甘美華（陳甘）退休，結束近十三年署長生涯，政府尋日宣布食物及衞生局副秘書長（衞生）謝小華喺下月十一日接任。政界對於陳甘離任不表意外，事關佢今年年屆六十歲，早喺○三年六月開始任民政事務總署署長，如按照政務官逢三、四年調任一次，佢一早夠鐘調走，點知三年又三年，佢仍然喺署長原職留任長達十三年，相信係「前無古人，後無來者」喇！
陳甘美華退休，謝小華（圖）接任民政事務總署署長。
陳甘美華
下月履新署長嘅謝小華喺政府服務近三十年，喺一三年四月晉升為首長級乙一級政務官，先後喺多個政策局同部門服務，包括運輸及房屋局副秘書長（運輸）、食衞局電子健康紀錄統籌處處長等。
外界估計謝小華上任後要盡快同十八區區議會「打交道」，並且跟進十八區區議會一億元社區重點項目計劃，避免出現任何超支或項目「爛尾」嘅事件發生。
