城中鏡：陳世英珠寶設計 揚威歐洲博覽
香港珠寶業最近有件喜事，就係知名珠寶設計師陳世英（Wallace Chan）獲「歐洲藝術博覽會」TEFAF（The European Fine Art Fair）邀請，成為呢個重量級展覽首位獲邀展出作品嘅華人珠寶藝術家，今次Wallace赴展嘅作品中，貫徹佢過去嘅設計風格，有濃濃嘅文學同哲學味，將珠寶以神秘、優雅嘅方式呈現唔同嘅韻味，果然別具一格。
「戀瑚絮語」手鐲，以三色寶石締造不凡魅力。
「城迷轉夢」戒指造型特別，完美表現了寶石嘅晶亮剔透。
陳世英嘅作品一向好有個性，今次展出嘅亦貫徹過去嘅風格。（資料圖片）
講到TEFAF嘅嚴格挑選，業界人士都知道想參展絕非容易，而今次Wallace嘅展覽館就以春日花園為主題，作品展現大自然引人入勝嘅一面。其中一隻名為「城迷轉夢」嘅戒指，反映寶石晶體結構，表達創作嘅微觀哲學；另外一隻名為「戀瑚絮語」嘅手鐲，以內雕金魚嘅畫面，配上紅、綠、藍三種色調寶石形成嘅珊瑚，靜中帶動，魅力十足。
