政壇：港人愛遊埠 年花近7萬
香港人一放假就外遊，有人話係香港地方太細，屋企又細，所以港人只好出外抖抖氣，渣打銀行為此做咗個調查，發現受訪港人中，去年平均外遊近三次，年開支高達七萬元。
香港人熱衷外遊，馮鈺龍對可以賺里數嘅產品好有信心。
呢個調查唔計公幹，發現平均每次外遊者嘅使費約為二萬六千元，計落一年即係接近七萬元，富貴少少嘅（家庭月入八萬元以上）人士，去年平均外遊就達三點一二次，一年使費更高達十一萬元。咁香港人外遊最常去邊呢？原來朝聖地首位係日本，有三成人舊年去過；其次係台灣（15%）、內地（14%）同南韓（10%）。
講起外遊梗係唔少得信用卡，渣打個人金融業務董事總經理及個人銀行產品主管馮鈺龍話佢哋嘅聯營信用卡主打保險、按揭等賺飛行里數，相關回贈梗係「唔會超過金管局指引所限咁話」。
