時裝設計師何國鉦每年都趁時裝周，到巴黎做預展，今年亦唔例外。有感全球經濟不景氣，佢話事前已做好心理準備，但出乎意料之外，生意比上年更好，佢話：「Showroom裏面有其他品牌，但得我個品牌多客人，因為好多舊客返嚟，原本之前打定輸數，點知今年仲好過上年，因為今年我刻意調低個價，用平啲嘅料，但又做到靚嘅衫，價錢平咗兩至三成，客人覺得價錢唔太貴，物超所值。」佢話自己曾經歷○三年沙士嘅低潮期，認為識得變通最實際：「寧願賺少啲，如果啲衫咁貴，啲人唔會買。」

何國鉦喺巴黎街頭拍咗一輯靚相，惹嚟唔少人讚好。

工作後，佢仲有空閒時間喺巴黎四處遊覽，佢話以前一完成手頭工作就返港，十足工作狂，依家會多啲享受人生，喺街頭拍咗一輯靚相，喺社交網放相後，即惹嚟唔少人讚好，仲以為佢專程請攝影師拍攝添！原來佢只係利用手機簡單嘅執相效果，惹嚟數百like，令佢喜出望外。

第一手消息請下載on.cc東網iPhone/iPad/Android/Windows Phone Apps