港交所交易大堂嘅「紅衫仔」只剩下五十個。（資料圖片）
港交所交易大堂嘅「紅衫仔」（出市代表）數目愈嚟愈少，係人都知，但最近發現，港交所冇再公布交易員數目，唔通個數跌到……
港交所解釋話自新證券交易設施啟用後，所有喺新設施進行嘅交易，將由主機透過領航星中央交易網關（OCG）傳送，所以系統唔能夠識別場內同場外交易，所以港交所一四年十一月開始，唔再公布場內同場外交易統計。而出市員數目係附於該統計紀錄內，所以就冇再公布咁話。
咁依家究竟仲剩番幾多「紅衫仔」呢？港交所話係大約五十個。
睇番一四年十月時仲有近八十個「紅衫仔」，唔使一年半，數目下跌咗三成七！五十人，「真．冷清」！
啲經紀就話依家港股無啖好食，經紀行慳得就慳，仲點會派出市員去交易大堂。
第一手消息請下載on.cc東網
