（互聯網圖片）
相信大家仲記得，立法會財務委員會上周喺混亂中通過一百九十六億元高鐵工程追加撥款，令到高鐵工程造價上升至八百四十四億元。有網民就將同母親嘅WhatsApp對話內容上載到facebook「西環變幻時」專頁，聲稱因為高鐵工程追加撥款獲得立法會通過，所以下月要扣減二千八百元家用嚟交稅，原本要畀一萬元家用，下月就只畀七千二百元。
根據對話內容，母親對扣減家用都半信半疑，仲反問：「你講真的？」但換來子女一句「你沒有看新聞？」嘅回應。發貼者形容「呢招好絕」。其實二千八百元係以全港七百萬人攤分計算出嚟，但全港納稅人數目約一百六十萬人，每名納稅人實際大約要支付超過一萬元，所以扣減二千八百元家用係計錯數，其實呢位「子女」下月唔使畀家用，但唔知係咪要母親倒貼呢？
第一手消息請下載on.cc東網
