政壇：馬斐森疑甩轆 着女裝漢服

澄清無着錯

對於馬斐森疑甩轆着女裝漢服嘅因由，有份舉辦今次活動嘅港大學生會國事學會代表晚上解釋，馬斐森夫婦身穿屬於重新設計嘅創新漢服，即秦漢時期嘅禮服，聲稱係男女皆宜；至深夜國事學會再澄清，馬斐森嘅服飾唔係女裝，而係正經男裝禮服，真係信不信由你嘞！

馬斐森於致詞時嘅內容，佢透露同太太首次喺公開場合穿着漢服，早前喺辦公室試穿漢服時，其秘書形容猶如一名學者。佢又認為唔同文化人士若無溝通會產生界線，但強調文化差異非界線嘅一種，佢最後以廣東話講出「多謝大家」，及以普通話「謝謝大家」作結。