壹傳媒集團前主席「肥佬黎」黎智英尋晚又再攪局，除咗「常客」、外號「李漢奸」嘅白鴿黨創黨主席李柱銘外，同場仲有兩名「稀客」，即公文袋主席余若薇同創黨成員張健利，三人共通點均係資深大律師，其中李漢奸同張健利更喺執業大律師名冊排名首兩位，莫非官司纏身嘅肥佬黎自知隨時「落鑊」，因此要提早搵人「教路」？

李柱銘（前左）等人離開時，黎智英（箭嘴示）罕有地現身送客。左二為余若薇丈夫胡健維。

張健利（右）有份參加今次密會。

余若薇亦有現身密會。

尋日全日不時下雨，但仍無阻肥佬黎繼續喺何文田寓所攪局。尋日晚上約六時半，李漢奸同太太乘私家車抵達肥佬黎寓所，余若薇同老公緊隨其後抵達，現場所見，余若薇疑帶同一支酒到場。而不消片刻，肥佬黎司機接載張健利到達黎宅，肥佬黎更罕有地步出寓所門口迎接眾人。

肥佬黎等人密會歷時約三小時，眾人喺晚上九時四十分陸續離開，肥佬黎再次露面送客，肥佬黎司機再次接載張健利同另一名女子離開；李漢奸、余若薇則一如早前一樣，分兩部私家車自行離開。

資料顯示，肥佬黎今年最少第六次密會攪局，而今次更係最多法律界人士出席嘅一次，莫非受到前年佔領行動同政治捐款醜聞纏身嘅肥佬黎，想搵人「教路」諗定後路？

第一手消息請下載on.cc東網iPhone/iPad/Android/Windows Phone Apps