SUN搞作：SUN官場現形記：醫策病重
每逢流感高峰期，本港公立醫院都會逼爆，歲歲如是，但年年均無應對之法。可恨香港官員口講無敵，做就無力，身為食衞局之首嘅Dr.高又點對得住市民？
李衞︰淨係識講「嚴峻」，但永遠都解決唔到！
Dr.高︰都話係「嚴峻」，咁容易解決就唔係「嚴峻」喇。
李衞︰有云病向淺中醫，咁搞法你叫啲病人點算？
Dr.高︰啱！病向「錢」中醫，應該去睇私家啦。
李衞︰……唉，如果有病真係玩完喇。
Dr.高︰點會咁易玩完？醫管局內部有儲備，資源從來唔需要擔心。
李衞︰的確，我從來唔擔心資源，最擔心只係無能官員！
