城中鏡：fb教主 寫湊女程式
社交網facebook（fb）創辦人「朱仔」朱克伯格，為咗錫佢個囡囡Maxima，可以去到幾盡？原來就係佢唔幫fb寫程式，但就肯為囡囡Max而寫！
朱克伯格準備搞部360度全景相機，用嚟全方位記錄低囡囡嘅學行片段。
（資料圖片）
據知朱仔今次為咗湊女，直頭親自落手落腳編寫咗一套人工智能系統喺屋企用。佢話套人工智能系統只係執行啲基本嘢，例如用嚟管吓開燈熄燈、開閘閂閘、認聲認樣認吓人咁。
唔止咁，佢囡囡Max依家先得三個月大，但朱仔已經諗定遲啲Max要學行，準備搞部360度全景相機，用嚟全方位記錄低Max嘅學行片段，等其他屋企人就算唔在場，都一樣好似親歷其境咁睇到Max點學行。
睇嚟，朱仔搞360度全景相機要快啲手，因為計落得番七個幾月時間，唔知佢趕唔趕得切搞呢？
