點心紙推出後，反應意想不到地熱烈，網民及食客都連聲讚好。不過，點心店的收益沒有因此有所增長，梁志偉的拍檔文龍更指食肆難做，難以聘請員工，可謂「有苦自己知」。可幸的是，愈來愈多老一輩接受此類型點心店，令客源亦有所增加。

餐牌更換後，原來初期連店內侍應都無反應，其中一位侍應更指，「我開頭仲以為係老闆印錯，都唔知咩係洗頭艇，以為想改啲新年字句。」不過，網民反應熱烈，食客亦不斷連聲讚好。「好多人見到都好驚喜，見到點心啲名，都大讚好得意。」

記者亦即場詢問食客的意見，陳先生表示，「入面啲點心名都幾吸引 ，見個名得意就會有意欲想試下好唔好味。」 另一位食客張小姐就表示，「呢度啲點心名同其他點心店好唔同，見得意都會點嚟試吓係咩，好似見到個『戚風斑蘭馬孻（拉）糕』個名好得意，點咗嚟食都幾好食。」

老一輩接受新式點心

雖然點心紙被瘋傳，不過全新點心紙推出後，文龍表示，生意未見有特別增長，但他大呼生意難做，「無論侍應或者點心師傅都好難請，我哋長期都缺人。」唯一值得欣慰的，是不少老一輩都開始接受新式點心。「以前只係得年輕人幫襯，依家愈嚟愈多上咗年紀嘅人。」

第一手消息請下載on.cc東網iPhone/iPad/Android/Windows Phone Apps