SUN揭秘：政治點心 氹客開心

今次並非點心店首次推出配有特別名稱的點心，大約兩個月點心店就會換一次餐牌，點子多多的老闆梁志偉，花盡心思為點心改名。「好似之前推出過『初一十五腸』即係素腸，『千年蛋牛肉腸』即係皮蛋，希望食客見到會開心，感到驚喜，只不過無諗過今次啲人反應咁大。」

網民留言多正面

今次改名，令點心店的點心紙於社交平台瘋傳，不少網民猜測，討論老闆是否「黃絲」。老闆是否「黃絲」，他並沒有透露，只強調希望食客開心。「網上有人話我哋白癡，改呢啲名，如果大家真係唔鍾意，我哋會改。不過，依家大多數嘅留言都係正面。其實我哋啲名都好中立，我唔會刻意去澄清，免得愈講愈錯，其實只係想要大家開開心心。」

點心名並不只是「攞綽頭」，一眾點心名背後，原來都有一段故事。當中，「民意叉燒腸」及「民意流沙飽（包）」，就因為徇眾要求，遂跟隨「民意」而推出。「叉燒要其他店舖供貨，我擔心質素欠缺保證，所以初時無供應，但有好多客問點解無叉燒腸；流沙包製作過程好複雜，要流心，好考功夫，做唔到流心啲客又會好失望，曾經一度打算取消。」

眾多點心中，最搶眼的非「被失踪（蹤）薄荷布甸」莫屬。薄荷布甸一度於點心紙「被失蹤」後，老闆才發現原來不少食客都十分喜歡，所以重現於點心紙上。不少網民更笑指，食過「被失踪（蹤）薄荷布甸」後，會否真的被失蹤。

訪問尾聲，他多次強調，點心名稱並不代表公司的政治立場，沒有特別意思，只希望大家光顧時，見到點心名會感到開心、感到驚喜。