政壇：虎都無犬子 三歲巡業務
虎都位90後太子爺Ben郭漢鋒二十五歲時就已係上市公司CEO；但佢囝囝仲勁，今年先三歲，已巡視公司業務！
睇得出邊位係90後CEO嗎？（答案：左係郭漢鋒，右係鍾明杰）
阿Ben乜都快人N步，佢舊年以二十五歲之齡坐上虎都CEO位，估唔到佢一早畀人封咗盤，結婚生埋囝囝，仲唔止一個，共有兩位公子。尋日佢講起兩個囝囝雖然一個三歲、一個歲半，但已經「好壞」！「好壞」？在場嘅虎都財務總裁David鍾明杰即刻解畫，話「好曳」咁解，David仲話「男人唔壞女人唔愛」嘛！
囝囝會唔會好似阿Ben咁接手家族事業呢？佢話有帶大仔去公司睇吓環境，仲講笑話唔排除之後做童裝業務時，搵囝囝做代言人添！三歲就開始巡公司業務，睇嚟好快可以接手做童裝部CEO（如果開嘅話），話唔定行得仲快過爹哋添！
