施榮忻選擇同仔女做朋友。（受訪者提供）
接連有學生難抵學業壓力或朋輩排擠等，選擇自殺結束生命，父母同社會望子成龍對年輕人產生嘅巨大壓力再惹關注。已為人父嘅全國青聯副主席Jaime施榮忻自言從來唔做怪獸家長，亦唔要求仔女科科攞高分，佢只求合格多幾分就得，仲自爆大女成績普通，又講笑話讀唔成書最多返佢公司做茶水部，咁講反而警惕仔女唔好太懶散。
育有兩女一子嘅Jaime成日花時間陪小朋友，只要有時間都會接細女放學，氹得囡囡好冧。佢自言同仔女好friend，學業成績係次要，興趣班都係仔女想學先參加，唔會催谷佢哋十項全能咁話，連四歲細仔鍾意下廚，Jaime都放任佢上堂學烹飪，唔擔心會雞手鴨腳。
第一手消息請下載on.cc東網
