內容精彩人爭看，網絡潮流我領航。東方報業集團旗艦網站「on.cc東網」一向精益求精，唔止內容推陳出新，而且緊貼市民需要，唔怪得屢創先河，好評如潮喇。

冇吹水o架，嗱，隨着本地籃球球季正式開鑼，東網由尋日開始獨家直播本地籃球賽事，打響頭炮嘅係東方大戰永倫，球迷係咪有福先？今季本地籃球壇戰況激烈，傳統勁旅南華同永倫固然鬥得難分難解，近年全面推動職業化嘅東方籃球隊亦愈戰愈勇，東網為增加投入感，除咗全程直播賽事，仲請來名家評述同分析，各位籃球迷千祈咪錯過吖。

呢啲咪叫緊貼市民需要囉。籃球係本港最受歡迎嘅運動之一，球迷人數唔少，可惜因為工作生活繁忙，唔係人人可以現場觀賞到精彩球賽。以後就唔使得個恨字喇，只要東網在手，球賽盡收，恍如置身觀眾席一樣，仲可以叫埋三五波友一齊欣賞添，咁正嘅新猷，唔怪得球迷叫好之餘，連一眾職業球員亦拍爛手掌喇。

所以話，東網與時並進，不斷革新，何止緊貼市民需要，直頭緊貼時代脈搏喇。潮流興本土，本地波愈嚟愈多人捧場，東網直播本地籃球賽事固然飲頭啖湯，直播港超聯足球賽事亦係首創先河o架。香港人睇香港波，齊上東網睇直播，既有feel又夠潮，點可以少咗你嗰份呢？

咁講喇，強隊愈強，網媒亦一樣。東網嘅創新多到數都數唔晒，好似直播六合彩攪珠，同埋將《東方日報》、《太陽報》內容原汁原味放上網咁，通通都係東網首創，贏盡口碑，淨係日前六合彩四十周年億元攪珠，市民蜂擁上網直擊過程就係有力證明喇。除咗內容創新，東網嘅使用功能更加不斷革新，就講最近登場嘅三合一東網APP吖，將原有東網港澳、東網大陸及東網台灣三個APP合而為一，讀者可以隨意切換飽覽兩岸四地新聞資訊，既齊全又快捷。至於「推播通知」加設自主選擇接收類別，新聞、娛樂、財經、體育及生活任君選擇，又有特設靜音模式，就更加迎合讀者全方位需要，體貼周到。所以話，東網長期穩坐新媒體一哥寶座，無論瀏覽人數、瀏覽網頁數抑或瀏覽時間都拋離對手，絕對實至名歸o架！

當然，我哋係唔會驕傲嘅。東網未來必定會繼續推陳出新，精益求精，以無盡驚喜回饋讀者，大家記住（目及）實吖！