城中鏡：賀四叔大壽外孫女貼合照

恒地主席「四叔」李兆基前日農曆八十七歲生日，喺佢嘅大宅宴請親朋，筵開十五圍。每年大壽四叔都鍾意喺大宅搞壽宴，一眾子女同乖孫例必出席，而舊年新抱徐子淇又誕下孫兒李建熹，兒孫滿堂嘅四叔當然開心。一向鍾意喺社交網站晒旅行相嘅外孫女Vickie李敬儀尋日亦喺Instagram大晒同公公嘅自拍照，穿上白色低胸服裝嘅Vickie負責拍照，二人頭貼頭合照，Vickie仲寫上「生日快樂公公」，真係好孝順。