政壇：單雞玩VR眼鏡 鬥放煙花
趁立法會最近無大會舉行，四名議員「單雞」單仲偕、莫乃光、郭家麒同鍾國斌約埋去美國矽谷嘅科技公司，試玩最新開發嘅虛擬實景（VR）眼鏡。單雞話該VR眼鏡喺年底先公開發售，試玩時同鍾國斌鬥放煙花，形容像真度超高，仲話呢副眼鏡吸引力驚人，連新加坡總理李顯龍都試過玩到唔捨得走。
單仲偕試玩虛擬實景眼鏡，形容像真度超高。（互聯網圖片）
單仲偕（資料圖片）
單雞話佢哋今次行程好緊湊，一日內去齊Uber、facebook同Google三間公司參觀，之後又會視察電動車廠，參考吓人哋嘅自動駕駛程式，據知眾人今次參觀科技公司只係美國之行嘅前菜，戲肉係隨立會考察三藩市嘅美食車，佢哋依家已玩到咁興高采烈，唔知仲有冇精力參加正經考察行程呢？
