政壇：李國章飲可樂 馮敬恩抽水
依家喺北京開會嘅港大校務委員會主席李國章接受傳媒訪問時，點名批評港大校委會委員、港大學生會前會長馮敬恩嘅行為失禮大學生，馮敬恩喺社交網站疑似反擊，連李國章飲可樂嘅習慣都抽水一番。
李國章
馮敬恩喺社交網站爆料，就連李國章飲可樂都抽水一番。（互聯網圖片）
馮敬恩
馮敬恩尋日下晝喺社交網站爆料，指每次開校委會都見到現年七十歲嘅李國章仲會喝可樂，用手指「了下了下（撩吓撩吓）」杯中嘅冰塊，飲得津津有味，又話時間或者唔一定站喺香港嘅那一邊，不過肯定站喺年輕人一邊，最重要係不要放棄，努力裝備自己。
其實李國章喺開會期間飲可樂屬於個人習慣，馮敬恩竟以此借題發揮抽水一番，似乎二人嘅恩恩怨怨，真係一匹布咁長，非三言兩語就可以拆解。
