立法會新界東補選結果上月底塵埃落定,壹傳媒集團前主席「肥佬黎」黎智英、外號「李漢奸」嘅白鴿黨創黨主席李柱銘等人短短五日內兩度密會!李柱銘、白鴿黨兩名前主席「AV仁」何俊仁同「高達」李永達三人,尋日罕有地喺中午到肥佬黎位於何文田寓所密會,莫非眾人喺新東補選之後,要盡快就九月選戰指指點點,特別係泛民參選名單提早做決定?

李柱銘(左)同何俊仁(右)到黎智英寓所密會兩小時後離開。

李永達(右)亦有參加今次密會。

踏入二○一六年,肥佬黎、李漢奸等人最少五次密會攪局,包括尋日一次一反常態,由過去喺晚上改為喺中午密會。尋日中午十二時二十分,李漢奸、AV仁同高達三人,喺肥佬黎司機駕駛嘅私家車接送至肥佬黎寓所,眾人密會約兩小時,李漢奸等人於下午二時二十分齊齊離開。

事實上,新東補選由主流泛民支持嘅公文袋楊岳橋當選後,肥佬黎、李漢奸等人最少兩度密會,令人懷疑為新東補選作賽後檢討,包括點樣應對本土派嘅勢力進一步抬頭;佔中發起人戴耀廷最近四出推銷「雷動計動」,拉攏泛民共同爭取九月選戰取得過半立法會議席,莫非眾人亦趁機提早定調,決定係咪參與該計劃?

第一手消息請下載on.cc東網iPhone/iPad/Android/Windows Phone Apps