政壇：江碧蕙慶生 蛋糕花心思
香港首位華人女騎師江碧蕙經常要喺香港同法國兩地穿梭，早前難得喺香港又撞正生日，故順道同好友慶生。生日派對以「18+22」為主題，仲設計咗一個好似即影即有相框嘅巨型背景板，同到場嘅好友逐個合照留念，設計可謂花盡心思。出席派對嘅趙曾學韞同藝人邵美琪等友人，都有同佢合照。
邵美琪（右）吻賀江碧蕙。（互聯網圖片）
唔單止有化妝盒設計嘅蛋糕，仲有噴火香檳，江碧蕙笑晒。（互聯網圖片）
派對嘅另一亮點，就係個生日蛋糕，事關個蛋糕設計成巨型化妝盒，完全貼切咁反映咗女人最愛嘅一面。據知，呢個蛋糕係由經營立體蛋糕店嘅名媛陳妙蘭所設計嘅。睇壽星女笑得咁開心，就知道呢個蛋糕合晒佢心意喇！
