香港專業及資深行政人員協會（專資會）於農曆正月十五元宵佳節舉行新春團拜，一班成員齊齊圍上紅色頸巾應節，現場仲有小財神捧住金元寶畀大家摸吓沾喜氣，夠晒好意頭。另一邊廂，仁愛堂於沙田馬場舉行年度盃賽，董事局成員爭相以貼合農曆新年主題嘅桃花色彩裝扮示人，倍添氣氛。

專資會團拜
靚司儀
擔任當日活動司儀嘅楊張新悅（左）與丈夫教育局前政治助理楊哲安合照。

財神到
專資會理事容海恩（後排左起）、會長盧偉國、前會長謝偉銓及理事楊素珊，拍住小財神與大家拜年。

笑住呻
專資會前會長胡曉明（右）「投訴」身旁太太織頸巾畀小朋友同長者，唔織畀佢。

成就高
眼科醫生周伯展（左）及建築師施家殷均在專業領域取得成就。

好老闆
香港工業總會主席鄭文聰（左）話開廠三十多年來一直堅持年年加人工，右為寶馬汽車香港及澳門董事總經理曾耀民。

仁愛堂盃賽
盛裝
仁愛堂主席史顏景蓮（右）與丈夫兼前主席史立德齊齊出席仁愛堂盃賽。

醒神
中華廠商聯合會副會長吳宏斌（右）染咗新髮色，形象煥然一新。左為吳太。

善心
仁愛堂副主席鄧錦雄（左）與太太均非常支持慈善活動。

第一手消息請下載on.cc東網iPhone/iPad/Android/Windows Phone Apps