公院醫護人員指，近月有私營醫療機構向資深員工埋手，以高薪等條件吸引過檔，恐爆挖角潮，李衞不禁問吓醫管局行政總裁賢賢有咩辦法。

李衞：本身醫護人手已經唔夠，依家仲畀人挖角，點搞呀？

賢賢：冇計o架，心不在這裏，點留啫？

李衞：冇心咪出金囉，點都有吸引力啩！

賢賢：點加都唔夠私院人工高啦……

李衞：咁點算呀？咪即係苦了一班小市民，睇病又要等耐啲？

賢賢：等等吓就慣、就唔覺。

李衞：即係你解決唔到問題啦！

賢賢：唔係，其實我有個好建議，排唔切公院咪去睇私院囉，我哋啲人手流晒出去，睇私家仲唔係會快啲？

李衞：市民病到「冇眼睇」，仲快呀……

賢賢：%%^&@#@@!!!!

第一手消息請下載on.cc東網iPhone/iPad/Android/Windows Phone Apps