被港獨人士稱為「國師」嘅本土派學者陳雲，早前在社交網站宣布將「撤離」任教多年嘅嶺南大學，但就無透露之後嘅去向，只留下「另謀出路」四字。
陳雲
陳雲尋日再次在社交網站發貼，呼籲大家今日投票畀一個同佢理念相近嘅候選人，否則佢聲言會參加九月立法會選舉。佢呢個預告究竟係乜意思呢？係為自己鋪路，定係發口痕呢？
其實陳雲之前就已經預告過今年八月約滿嶺大就唔會再續約，莫非佢提早宣布撤離嶺大，係為咗有更多嘅時間預備參選？
