政壇：胡炎松遊台不忘研「搶孤」

事關總會在去年盂蘭節舉辦首屆「搶孤」比賽，即是參賽者要企喺台上掟迷你米袋，對手就要用大型嘅竹簍去搶接。

胡炎松在潮屬社團總會團拜活動上話，今年將會有大進步，因為比賽會由觀塘移師到銅鑼灣維園舉行，佢亦「心郁郁」想邀請官員出賽，但眼見食物及衞生局局長高永文早前連跑步都仆倒受傷，所以都有啲擔心安全問題。

胡炎松透露，今次考察台南恒春搶孤嘅場地布置及搭棚方式，希望可以應用到香港，但由於當地搶孤方式太激烈，參加者要爬上搽滿牛油嘅柱體，胡炎松就話香港需要改良，以安全為上策。同場嘅總會主席陳幼南就話，過年期間佢留港陪一對外孫過節。