城中鏡：趙式芝送暖 善心締奇緣
踏入咗新一年之後，本港氣溫一直偏低，令唔少長者都覺得寒意不去，名媛趙式芝（Gigi）早前去咗送暖，Gigi尋日喺社交網站貼咗自己參與探訪活動嘅照片，原來佢去咗天水圍探訪長者並送贈暖爐，巧合嘅係，其中一個受訪長者住戶，竟然係年前Gigi同媽咪姚煒一齊探訪過嘅，因此Gigi與對方再次見面，大家都覺難得。
趙式芝（右一）同楊如芯（左一）等人，早前一齊探訪居於天水圍嘅長者（右二）。
有相為證，趙式芝（右）同媽咪姚煒（中）年前曾探訪過同一名長者。
同Gigi一齊探訪長者嘅仲有出雙入對嘅楊如芯。原來Gigi每年都會去天水圍做探訪，今年已經係連續第三年，喺最近一次探訪中，佢哋仲向長者送上暖爐，希望幫長者驅除寒意。唔講唔知，原來過去Gigi同媽咪姚煒都一齊探訪過同一名長者，實行母女一齊行善。Gigi形容，相中嘅長者居住喺只得近百平方呎嘅斗室，而對今次佢哋咁有緣再次見面，大家都覺得好開心喎。
