政壇：fb推出新表情 CY即收5.3萬「嬲嬲」
社交網站facebook（fb）以往只有「呃Like」用途，但由尋日起，香港用戶仲可以用fb新表情符號「嬲嬲」，對留言貼表不滿。而「嬲嬲」推出後，特首梁振英（CY）個人fb內最新嘅留言貼，到晚上就獲逾五萬三千個「嬲嬲」，數字仲不斷上升，證明好多人對佢好不滿。
梁振英個人facebook（圖）其中一個貼獲超過五萬三千個「嬲嬲」。（互聯網圖片）
梁振英個人facebook其中一個貼獲超過五萬三千個「嬲嬲」（圖）。（互聯網圖片）
CY喺去年開始使用fb，一向只准朋友留言，亦無公開朋友名單。現時佢每逢出席公開場合後，就將活動相片上載到fb宣傳，而尋日下午佢出席香港僱主聯合會春茗後又發貼。截至晚上十一點，即發貼約八小時後，該貼已收集咗超過五萬三千個「嬲嬲」，「讚好」就有一千三百多個，而「勁正」就八十多個，身為香港特首，認真失禮！
fb推出咗五個新表情符號，分別為「嬲嬲」（Angry）、「慘慘」（Sad）、「嘩」（Wow）、「哈哈」（Haha）同「勁正」（Love），香港用戶由尋日起可以使用。
