長沙灣：遊樂場聚賭 康署扮盲
「每晚都有成二十人喺度食煙賭錢，有時啲人仲湊埋小朋友過嚟由得佢哋喺側邊睇，可能位置隱蔽啲，好似完全無王管咁！」陳女士指出，長沙灣遊樂場的涼亭內常有大批人士吸煙及聚賭，不但令街坊無法使用涼亭，更令場地變得烏煙瘴氣，認為負責管理的康文署責無旁貸。
在違例吸煙及懷疑聚賭人士旁有小童四處張望，市民擔心「教壞細路」。
康樂及文化事務署發言人表示，職員每日均會巡視上址，並會不定時進行夜間突擊巡查，職員亦留意到有市民在涼亭下棋或玩紙牌，惟認為未有證據顯示當中涉及金錢賭博。發言人又指，該場地屬全面禁煙，除日常巡查外，曾先後與控煙辦進行聯合執法行動，但期間並未發現任何違例吸煙者。
「睇唔到有錢銀交易都算啦，啲人明目張膽咁食煙都話冇發現，究竟點做嘢？」陳促該署及相關部門加強巡查，改善問題。
