創興銀行副主席兼董事總經理梁高美懿之前戴智能手帶計吓自己行咗幾多步，記者發現梁太呢排冇再戴，何解？原來梁太已經對自己嘅步數瞭如指掌，「（唔戴）都大概知道行咗幾多步」。

梁高美懿一口拒絕認購銀色債券。

梁太仲話每日行一萬步最理想，而行樓梯就盡量行上唔行落，避免傷膝頭哥，果然好注重健康。梁太孫仔都有兩個，平日弄孫為樂，大家都好關心創銀未來掌舵人選，佢笑笑口咁話未公布得住，但透露集團有繼任計劃，「唔會令市場Surprise（驚訝）！ 」講起今年新推出嘅銀色債券，梁太竟然一口拒絕認購，點解？原來佢離法定六十五歲嘅年齡規定，就仲「未夠秤」咁話！

第一手消息請下載on.cc東網iPhone/iPad/Android/Windows Phone Apps