城中鏡：梁卓偉自製猴幣封利是

尋日喺香港大學舉行傳媒新春團拜中，見到未結婚嘅港大醫學院院長Gabriel梁卓偉向現場記者大派利是，但利是「餡」係自家製嘅「猴子銀幣」。

梁卓偉用醫學院自製嘅「猴子採中藥銀幣」封利是。

猴子採中藥銀幣

Gabriel解釋，「猴子銀幣」其中一面刻住港大醫學院個名，另一面就係一隻猴子採緊中藥，除咗因中藥同醫學關係密切外，靈感仲同舊年諾貝爾醫學獎得主、內地中醫藥女專家屠呦呦有關，因為屠呦呦善用中藥同中醫嘅智慧，推動醫學研究。

港大校長馬斐森亦率領管理層向大家拜年，由於絕大部分港大高層都係外國人，佢哋用廣東話講「猴年順境、生生猛猛」時，現場有「貓紙」寫上呢八個字嘅廣東話拼音「提水」，場面搞笑。