城中鏡：馬詩慧盼預算案「實際啲」
名媛Judy虞茱迪尋日以自己名字開設嘅JY's店舖開pop up store，請嚟一班名模好友琦琦同馬詩慧等出席。
虞茱迪以自己名字開新舖試水溫。
琦琦（左）同馬詩慧見面即錫錫。
琦琦喺十二時許到場，佢透露時間好趕，因要搭兩點半飛機去北京做嘢，雖然來去匆匆，但認真畀面。佢透露囡囡現在考試中，幸好生性，會自動波讀書，佢話囡囡仲緊張過佢，唔使佢擔心。
傾到滿唔滿意新一份財政預算案，馬詩慧就話：「沒有最好，只有更好，最緊要講得出做得到，唔會令巿民失望，依家香港好多負面o野，希望有多o的好事。」對於今年冇派錢？佢話：「派唔派錢係其次，派得幾多，但應該可以做o的更實際o既、更長遠o既o野，例如減隧道費。」
Judy透露店舖為期五個月，當中有唔少新牌子，可試水溫，睇邊o的適合香港人口味。佢話：「我做o左零售五十年，以前從冇諗過用自己名開舖，好多朋友建議，都考慮o左好耐。咁經濟不景氣點應對？佢話：「巿道唔好，大家唔好只掛住投訴，有咁多埋怨，要退後三步靜靜諗諗，唔好有咁多負面，我其中有個牌子叫BePositive，我一見到個名就好鍾意，要有多o的正能量，有問題要正面去解決，唔好只識投訴，如果你有好方法去解決先好去投訴。」
