SUN搞作:SUN官場現形記:香港「宿」影
房屋問題一直困擾香江,運房局局長炳炳每次被問及,都只能支吾以對,含混過去,但呢日佢就似乎胸有成竹。
炳炳︰呢期新居屋熱搶,證明政府有做嘢。
市民︰就係因為屋唔夠,人人先去搶!
炳炳︰有得搶,證明香港人都仲有啲錢。
市民︰咁就悲哀喇,有啲錢都買唔起私樓,你話私樓幾貴。
炳炳︰……我哋已經加緊覓地起樓。
市民︰等你覓完,仲要再起,我哋瞓街食風、無瓦遮頭都似。
炳炳︰唔會。
市民︰咁你話我聽仲可以瞓邊。
炳炳︰香港咁多天橋、隧道,點會無瓦遮頭?唔通你無聽過「天橋港」咩?
市民︰@#$$%!#$