政壇：面試新招 請食早餐

呢招請人秘技，係嘉信理財CEO Walt Bettinger自爆出嚟，重點係佢會事先交帶餐廳經理，要專登幫應徵者落錯單！

點解？當然係為咗睇反應。Bettinger話咁可以睇到應徵者點面對逆境。躁住？火到癲？定係會體諒人家？重點係要睇通應徵者個心點，而唔係只睇佢有幾醒。

對住「上錯菜」都「零反應」當無嘢發生，諗住咁最安全？咁你就中硬伏。「零反應」代表冇膽、唔夠細心，緊張到連「上錯菜」都唔知、見到錯嘅嘢都唔敢直指。咁，你估人家仲敢唔敢請呢可。

兩條問題夠晒數

至於面試問題，Bettinger話兩條就夠：一、佢人生中最成功係乜嘢？可以睇到應徵者覺得個世界係圍住自己定其他人轉；二、佢人生最失敗係乜嘢？可以睇到應徵者做人有冇承擔，定係會歸咎他人。