前日香港大學校務委員會喺灣仔會展召開會議,當晚除咗委員之一嘅港大學生會前會長馮敬恩拒絕簽署保密協議同安全承諾書而離開會場外,事後校委張祺忠亦喺facebook貼出一張鋼製保溫瓶嘅照片,透露喺會議前交出手機後,仍被質問點解每次都帶着保溫瓶,又查問係咪竊聽裝置。馮敬恩尋日就爆料,懷疑張祺忠帶「竊聽器」嘅係校委紀文鳳,又要求張祺忠喺鋼瓶倒茶出嚟,張祺忠隨即從瓶中倒出茶及飲用以證清白。紀文鳳尋日發聲明回應,指鑑於過去有校委交出手機仍有會議發言錄音外洩,所以佢只係合理地提出相關查詢。

紀文鳳(資料圖片)

張祺忠喺facebook貼文,指被質問點解帶保溫瓶開會。(互聯網圖片)

第一手消息請下載on.cc東網iPhone/iPad/Android/Windows Phone Apps