政壇：蓋茨4招對付超巨Project

第一招、樂觀正面。咪嘥精神嘥時間諗做唔到嘅嘢，專注諗自己做緊乜同可以做乜。

第二招、不斷測量。確保Project有數據基礎嘅支持。

第三招、留意進度。要知道做到邊同爭幾多，有明確目標同計劃。

第四招、「落區」核實情況。唔好遙距指揮，要親身睇受影響嘅人。

蓋茨就係用呢四招，目標令小兒麻痹症喺世界消失。

蓋茨夫婦雖則係全世界至有錢，但佢哋原來仲有嘢想要。喺佢哋基金通訊上，講到如果有超能力，佢哋想變多啲時間同多啲能源出嚟。畀婦女多啲時間，唔使畀屋企家務困住，可以有自己嘅事業；有多啲冇污染又廉宜嘅能源，世界唔再黑暗。

原來佢哋亦有偶像。蓋茨嘅就係「超人」，貪佢力量強大、曉飛、兼有透視眼可以睇穿牆！（想睇乜呢可？）佢太太就至Like「神奇女俠」，鍾意佢個「神力手鐲」夠大夠勁，仲有條可以令人講真話嘅「真言套索」專對付啲壞男人，逼佢哋講真話咁話！（邊啲壞男人呢可？）