SUN搞作：SUN官場現形記：收買做得好
喺辦公室無嘢做嘅康文署署長嫦嫦，今日有個稀客到訪，嫦嫦本着多一事不如少一事嘅心態，決定趕佢走，點知弄巧反拙……
收買佬：收買、收買……
嫦 嫦：收買收到上嚟？過主啦，一眼睇晒，呢度冇你想要嘅嘢。
收買佬：點會冇呀？我收到風先殺上嚟o架！
嫦 嫦：我呢度邊有爛鬼電器呀，你搵錯地方喇！
收買佬：唔係喎，維園泳池裝咗二十幾部電視機用過一次之後就被閒置，有啲仲壞咗添，既然壞咗，啲筍嘢唔係唔益吓小弟呀？
嫦 嫦：啲電視全部拆晒啦，畀咗其他場地用呀，你走啦！
收買佬：咁……
嫦 嫦：仲想點呀？
收買佬：電視機收唔到，咪試吓回收你呢個大嘥官，無謂由你繼續幫市民掉錢落海又得物無所用喇，係咪？
嫦 嫦：*@@!!###^%&***!!!
