政壇：田二少外孫女 出世合時
立法會財務委員會尋日召開一連四節、合共長達八個小時嘅會議，喺沉悶而冗長嘅會議中，新民黨立法會議員田北辰（田二少）喺社交網站發布喜訊，原來係佢又做外公，增添咗一名重六磅半嘅外孫女。田二少仲話，呢個孫女喺財委會開會前四十五分鐘出世，令佢去完醫院探望女兒同孫女後，仲啱啱趕得切返立法會開會，時間上配合得天衣無縫。田二少又話，雖然佢唔係第一個抱呢個孫女嘅人，但同孫女selfie（自拍）就搶到頭啖湯。佢自認selfie技術麻麻，將自己個頭影到太大，孫女就太細，好彩孫女識得面向鏡頭，救番張相。 （互聯網）
田二少大讚外孫女「出世合時」。 （互聯網）
