政壇：機場配鏡兼送貨吸客有眼「光」

香港出品嘅眼鏡好受訪港旅客歡迎？機場管理局主席蘇澤光話佢嘅外地親戚每逢返港都會配幾副眼鏡至走，最近機場新加咗配眼鏡後提供送貨服務，大受旅客歡迎。經濟下滑，機場裏面嘅零售業務都要動腦筋，機管局最近推出嘅送貨服務，當中眼鏡好受歡迎，其次就係賣鞋，原來唔少人都鍾意上機前買幾對鞋，當中包括香港人，買鞋後可免費送到屋企，旅行返歸就有新鞋着。