尋日六大商會召開聯合記者會，表達對立法會「拉布」嘅不滿，並譴責旺角暴亂事件。中華廠商聯合會會長李秀恒評論事件時，估計因為年輕人成日打機搞到變暴力，仲語重心長勸喻年輕人，要分清遊戲同現實世界，唔係出事後撳個Start（開始）掣就可以重新開始，應該多與唔同嘅群體接觸。打機真係咁毒害年輕人？

李秀恒（右）指年輕人經常打機搞到變得暴力，分唔清遊戲同現實世界。

李秀恒形容當晚場面好似網上戰爭遊戲，示威者只為打贏怪獸，但現實世界並唔係打怪獸，反而要負上法律刑責。佢認為年輕人幻想自己成為網絡世界英雄，打贏就興奮，只有暴力行為，並冇中間路線。其實議員梁美芬日前曾話港人情緒上出現重要問題先會敵視中國，而早前議員蔣麗芸仲就拉布發表過「黐線論」，其實佢哋會唔會將問題過分簡單化呢？

第一手消息請下載on.cc東網iPhone/iPad/Android/Windows Phone Apps