即將結束緬甸訪問嘅白鴿黨主席兼立法會議員劉慧卿，繼周一同緬甸反對派領袖昂山淑姬見面交談後，前日又同對方見面，仲把握機會再提出邀對方來港。但卿姐引述，可惜昂山淑姬工作非常忙碌，又要應付下月舉行嘅總統選舉，相信對方會先應付本身國家工作，變相婉拒訪港邀請，唔知卿姐會唔會失望呢？

卿姐話前日昂山淑姬約咗包括香港代表嘅外國議員見面約半小時，了解大家對呢幾日培訓當地國會議員嘅意見。卿姐引述昂山淑姬話，雖然緬甸議員較貧窮，無法同其他國家相比，部分更嚟自落後嘅村莊，但希望佢哋多探訪選民，又希望卿姐支持同鼓勵佢。卿姐就話當然支持佢，盼緬甸踏上民主之路。

卿姐又盛讚昂山淑姬係女強人，佢清楚自己看法，好清晰、好果斷，而且對自己黨友、國家好了解，能清晰講出有乜嘢可以選擇；睇嚟卿姐今次緬甸之行有好大得着喎！

第一手消息請下載on.cc東網iPhone/iPad/Android/Windows Phone Apps