「間酒樓平日不停都有人食煙，我哋唔食煙嘅食嘢都食得唔安樂，見過控煙辦職員入嚟查，但啲人仲係完全唔驚！」陳先生指出，深水埗桂林街一酒樓內違例吸煙問題嚴重，平日有大量煙民公然吞雲吐霧，其他茶客被迫吸二手煙，質疑負責檢控的控煙辦巡查不力。

衞生署控煙辦公室發言人稱，一直有跟進該酒樓的違例吸煙問題，過去六個月曾於該處巡查十九次，惟期間並沒發現違例吸煙者。發言人指，近日再次到上址突擊巡查，發現一名違例者，已即時檢控，亦要求場所管理人落實禁煙規定。

「我次次去都有至少三個人明目張膽咁食煙，佢哋巡成十九次但就一個都見唔到？」陳先生促控煙辦加強巡查及檢控，阻嚇違例人士，以保障茶客健康。