城中鏡：廖偉麟炒高達 12歲賺到笑

香港人擅於投資，炒樓炒股炒iPhone之外，原來仲有一啲其他途徑。廖寶珊家族第三代廖偉麟就話，佢最得意嘅投資係高達模型同紅酒。

廖偉麟自己喜歡飲酒，又投資紅酒有道。

廖偉麟同舅父湯文亮一齊管理紀惠集團，人人知佢投資商廈及舖位有道，不過佢至引以為傲嘅投資卻係高達，而且，呢次成功投資仲係佢只得十二歲嘅時候，佢話當時喺模型舖，以每盒二十蚊，一口氣買咗四十盒高達模型，砌完上埋色，再以每個三百蚊賣畀同學！

購法國紅酒兩年升值70%

此外，兩年前，佢又用批發價大概二百八十萬元，買入約四千支法國波爾多男爵及女爵紅酒，平均每支約七百蚊。依家升值五至七成，市價每支至少一千一百蚊。不過，批酒佢已經飲咗差唔多一半，加上批酒產量唔多，尚餘嘅，佢未必捨得賣。