政壇：社民連舊巢爭票胡穗珊心大心細

自從佔領行動後，多個泛民主派政黨無可避免要開始改朝換代，其中白鴿黨及公文袋都已經出現新舊交替，但作為第三大泛民政黨嘅工黨，就似乎未有動靜。據了解，工黨最快今日會拍板有意出選的名單，現任議員李卓人、何秀蘭同張超雄仍然榜上有名，就算有七名新人打算出選，大部分都只係排在名單第二或第三，做樁腳居多。

當中最有新意嘅人選，就係新任主席胡穗珊，據聞佢仲心大心細，考慮緊出選九龍東定九龍西。該黨內部討論過，認為九龍東較多公屋，目標選民較多，加上社民連唔再出選，有機會食到呢啲票。不過，胡穗珊以往搞開社運，人氣就真係差咁啲，究竟可唔可以開拓到新區，實在令人懷疑。

至於現任議員，據聞該黨內部最擔心都係港島何秀蘭，因為地區工作唔係太紮實，加上唔少新人有意出選，如果佢真係唔加多幾分力，選民隨時會用選票作出決定。