東網電視
更多新聞短片政制及內地事務局局長譚志源（Raymond）尋日出席本地著名書法家羅澄波嘅個人書法展開幕禮時，講起寫書法，佢就自嘲手字唔掂，仲記得中二嗰年，中文老師喺冇通知下，突然話要搞書法比賽，過咗幾日頒獎時，除咗冠亞季軍外，老師仲話有個特別獎要頒畀譚志源同學，就係一份字帖，因為佢啲字係全班入面寫得最核突嗰個！
譚志源話自己書法唔掂，係得個「一」字寫得靚。
譚志源話自己書法（圖）唔掂，係得個「一」字寫得靚。
尋日Raymond到場時，工作人員叫佢用毛筆簽名，佢都話即時窒一窒，又稱自己係「番書仔」，初中時讀數，寫數字就寫得多，但書法就好差。後來佢到清華大學進修時，啲同學課餘活動都揀學社交舞，但佢唔想「郁身郁勢」，於是就揀咗學習書法，點知四個星期都係學寫同一個字，就係個「一」字。
後來，有次佢去前海出席活動時，獲邀即席題字，諗起自己只係寫個「一」字寫得靚，於是點都要諗個有「一」字嘅四字成語來寫，最後就寫咗「一日千里」，當成係用唔同嘅方向寫個「一」字咁喎，真係得啖笑。
第一手消息請下載on.cc東網
